Выставы

Выстава фатаграфіі «Беларускае вяселле: абрад, носьбіт, песня»

  • 13.09.2018 - 20.10.2018
  • 11:00 - 19:00
  • г. Мінск, Някрасава, 3
  • Тэл. +375 17 235–03–32
  • Тэл. +375 17 399–09–78

12 верасня 2018 г. а 19 гадзіне ў Нацыянальным цэнтры сучасных мастацтваў Рэспублікі Беларусь (вул. Някрасава, 3), у межах Месяца фатаграфіі ў Мінску, адбудзецца адкрыццё выставы «Беларускае вяселле: абрад, носьбіт, песня».

Выстава «Беларускае вяселле: абрад, носьбіт, песня» – вынік імкнення паказаць твары тых людзей, аўдыязапісы галасоў або выканальніцкага майстэрства каторых складаюць скарбонку фонаархіва кабінета традыцыйных музычных культур Беларускай дзяржаўнай акадэміі музыкі (БДАМ).

Цэнтральнай тэмай выставы невыпадкова стала вяселле. У шматлікіх народаў свету традыцыйнае вяселле – гэта самае яракае свята ў жыцці чалавека, якое мае найбольшы размах сярод іншых урачыстасцей і па працягласці правядзення, і па колькасці ўдзельнікаў. Разам з тым традыцыйнае вяселле – гэта шматкампанентнае сакральнае дзеянне, накіраванае на пераход галоўных яго персанажаў ў новы сацыяльны статус (дзяўчыны – з бацькоўскага роду ў род мужа, хлопца – у статус сямейнага чалавека).

Беларускае вяселле як рытуал сваімі каранямі ўзыходзіць да старажытнаславянскіх часоў. Паступова яно стала спалучаць у сабе паганскія і хрысціянскія кампаненты, і выкрышталізавала свой абрадавы мінімум, які ў кожнай мясцовасці можа мець свае адметныя варыянты.

Вясельная песня – галоўны кодавы гукавы кампанент рытуала. Яна суправаджае і адлюстроўвае ўсе важныя падзеі вясельнай цырымоніі, маркіруе і рэгламентуе ход вяселля як важнага этапнага свята ў жыцці чалавека. Вясельныя мелодыі, як і сам абрад, маюць рэгіянальныя і лакальныя асаблівасці, сваю канкрэтную геаграфію, з’яўляюцца спецыфічным знакам «свайго боку» («своей стороны»).

Носьбітамі вясельнай песеннай традыцыі да апошняга часу з’яўляліся дарослыя і сталыя вясковыя жанчыны. Сёння, калі традыцыйнае вяселле як песенна і абрадава рэгламетаванае дзеянне імкліва адыходзіць у нябыт, яны працягваюць захоўваць гэтае сакральнае веданне ў сваёй памяці.

Фатаграфіі выставы «Беларускае вяселле: абрад, носьбіт, песня» паказваюць свята вяселля праз партрэты ключавых яго арганізатараў – жанчын-носьбітаў песенна-абрадавай традыцыі. Партрэты мужчын – гэта выявы вясковых музыкаў. Яны з’яўляліся на вяселлі адмысловымі фігурамі, бо адказвалі за танцавальную частку свята, якую ўсе госці асабліва любілі і чакалі.

Фатаграфіі зроблены ў 1970–2010-я гады ў музычна-этнаграфічных экспедыцыях БДАМ. Фотакалекцыя налічвае больш за 1000 экспедыцыйных аматарскіх здымкаў, зробленых рознымі супрацоўнікамі і студэнтамі акадэміі.

На выставе прадстаўлены таксама фільм «Радзілавіцкае вяселле», зняты ў 2017 г. сябрамі Студэнцкага этнаграфічнага таварыства паводле сцэнара візуальнага антраполага, рэжысёра і журналісткі Р. Гамзовіч (аператар – А.Глушко, фота – А. Мікус, відэамантаж – Д. Касцюкевіч).

Акрамя гэтага, фатаграфіі на выставе можна праглядзець у фармаце слайд-фільма, у якім кожны здымак агучаны «вясельным голасам» таго, хто на ім выяўлены, а ўвесь экспазіцыйны цыкл (партрэт+гук) абагульнена выбудаваны ў чарзе ходу вясельнага рытуалу і маркіруе галоўныя яго этапы.

Куратары: Настасся Даніловіч, Дзіна Даніловіч

Ідэя, мантаж слайд-фільма – Алеся Вікторчык, Настасся Даніловіч.

Фільм «Радзілавіцкае вяселле» (сцэнарый, фінансаванне відэаздымак і мантажу – Рэгіна Гамзовіч, аператар – Аляксей Глушко, фота – Альфрэд Мікус, відэамантаж – Дзяніс Касцюкевіч).

Работа выставы плануецца ў тэрмін з 13.09. па 20.10.2018 г.

     

     

     

     

     

Другія мерапрыемствы
01.09.2021 01.06.2022 14:00 - 16:30 Незалежнасці, 47
01.09.2021 01.06.2022 14:00 - 16:30 Незалежнасці, 47
Адукацыя Художественно–образовательные занятия для детей по курсу «Арт–азбука»

Национальный центр современных искусств приглашает детей на художественно-образовательные занятия по курсу «Арт-азбука». «Арт-азбука» - проект, построенный на основе искусствоведческих знаний и направленный на развитие творческого мышления детей. На занятиях мы вместе открываем для себя мир искусства, знакомимся с работами современных белорусских художников, учимся «видеть» картину и раскрывать замысел автора. Живое общение, игры и творческие задания разнообразят детские впечатления от занятий.

01.09.2021 01.06.2022 12:00 - 16:30 Незалежнасці, 47
01.09.2021 01.06.2022 12:00 - 16:30 Незалежнасці, 47
Адукацыя Творческие занятия по курсу «Азбука чувств»

​Национальный центр современных искусств приглашает родителей и детей на творческие занятия по курсу «Азбука чувств»! Курс «Азбука чувств» является частью семейной художественно-просветительской программы «Творческие занятия в Национальном центре современных искусств». Программа разработана для подростков, детей (10+), их родителей, бабушек и дедушек.

Іншае Виртуальный проект «Адзіная спадчына»

​С 1 января 2022 года Национальный центр современных искусств запускает виртуальный проект «Адзіная спадчына», приуроченный ко Дню народного единства.