Фарбатэрапія ў НЦСМ

Фарбатэрапія. Зараджайся на зіму! 

Запрашаем вас у суботу, 23 снежня, на нашае вечаровае мерапрыемства “Фарбатэрапія. Зараджайся на зіму!” у рамках выставачнага праекта “Падарожжы Фёдара Конюхава”. Пасля самай доўгай ночы года хочам зарадзіць вас станоўчымі эмоцыямі на тыя месяцы зімы, якія яшчэ чакаюць нас. Мы падрыхтавалі для вас нешта цікавае 

А 19:00 лектарка Кацярына Верасава (Санкт-Пецярбургская акадэмія мастацтваў ім. І.Я.Рэпіна) прачытае лекцыю “А вы яшчэ і малюеце? Гісторыі пра вядомых асоб, якія сур’ёзна захапляліся жывапісам”.
Па заканчэнні лекцыі гасцей чакае прыемны бонус: мы разыграем сярод удзельнікаў нашай “Фарбатэрапіі” палёт на сапраўдным паветраным шары ад @nashare.by

А 20:00 гасцей вечара чакае квэст-экскурсія па выставе. Прагуляемся па экспазіцыі, пазнаёмімся бліжэй з асобай Фёдара Конюхава, а таксама паспрабуем адгадаць заданні па экспазіцыі, якія будуць чакаць на шляху.

У тых, хто не любіць, ні квэстаў, ні экскурсій будзе магчымасць паспрабваць віртуальны палёт на паветраным шары!
Цягам усяго вечара мастак Руслан Сяргеяў будзе рабіць замалёўкі нашага мерапрыемства і дарыць іх гасцям вечара.

Звярніце, калі ласка, увагу на адзіны кошт білета. Ніякія зніжкі і акцыі на гэтае мерапрыемства на распаўсюджваюцца.

Кошт білета (уключае таксама агляд экспазіцыі):
30 руб. – для ўсіх катэгорый. Колькасць білетаў абмежаваная.
Вы можаце набыць білет па спасылцы ў апісанні профілю @farba.gallery ці ў касе на пр-це Незалежнасці, 47 (Нацыянальны цэнтр сучасных мастацтваў).

Выставачны праект “Падарожжы Фёдара Конюхава” працуе па адрасе:
Нацыянальны цэнтр сучасных мастацтваў Рэспублікі Беларусь
г. Мінск, пр-т Незалежнасці, 47 (ст. м. «Плошча Якуба Коласа»)

Па дадатковую інфармацыю звяртайцеся па тэлефоне:
+375 25 542 30 00