Дыскусійны клуб і адукацыйная праграма BLOWUP Нацыянальнага цэнтра сучасных мастацтваў абвяшчае сакавік 2018 Месяцам гісторыі беларускай фатаграфіі!
Распачынаем з паказу і абмеркавання двух дакументальных фільмаў пра знакамітую фатографку з Палесся Соф'ю Хамянтоўскую (1902-1991).
Першы фільм "Летапіс у промнях святла" (на бел. мове) зняў вядомы беларускі рэжысёр-дакументаліст Юрый Гарулёў у 2011 і ў нашым клубе мы ўжо ладзілі паказ гэтай стужкі і сустрэчу з ягоным аўтарам некалькі год таму. Але асоба фатографа і сам фільм вартыя таго, каб зрабіць паўторны паказ, тым больш што зварот да малавядомай "мясцовай", "аматарскай" і "вернакулярнай" фатаграфіі зрабіўся апошнімі гадамі пэўным трэндам нават у Беларусі.
У дадатак паглядзім таксама кароткі дакументальны фільм "Я здымаю кіно" (Ja kinuję), у якім выкарыстаны кіназамалёўкі самой Соф'і Хамянтоўскай (фільм на польскай мове, без перакладу).
На канец сакавіка мы запланавалі паўторны паказ мінісерыяла Аляксандра Матафонава з цыкла "Лабірынты" пра знакамітых беларускіх фатографаў мінуўшчыны Антона Прушынскага, Сігізмунда Юркоўскага, Бенедыкта Тышкевіча і Льва Дашкевіча, а тксама сустрэчу з аўтарам дакументальнага серыяла.
Пачатак 7 сакавіка 2018 г. а 19 гадзіне.
Уваход на мерапрыемствы дыскусійнага клуба BLOWUP па ўваходных квітках на бягучую экспазіцыю.
Старонка падзеі на ФБ: https://www.facebook.com/event
Запрашаем арганізаваныя школьныя групы у Нацыянальны цэнтр сучасных мастацтваў на лялечныя спектаклі!
Приглашаем наших юных посетителей на мастер-классы от художника Руслана Сергеева!
