Форма спалучэння

12 красавіка 2016 года а 17-ай гадзіне ў Нацыянальным цэнтры сучасных мастацтваў Рэспублікі Беларусь (ПЛЯЦОЎКА - пр. Незалежнасці, 47) адбудзецца адкрыццё праекта мастакоў-жывапісцаў Барыса і Івана Семілетавых і Валянціна Нуднова «Форма спалучэння».

Мастакі, якія прадстаўлены на гэтай выстаўцы, працуюць у розных накірунках. Яны належаць да розных пакаленняў. Аднак іх аб`ядноўвае шчырасць пазіцыі ў мастацтве, імкненне да цэласці і яснасці выразу гэтай пазіцыі ў сваіх работах.

Кожны з трох аўтараў вырашае пастаўленыя перад сабой задачы сваімі метадамі. Тым не меньш сугучнасць гэтых задач і экспресія, якая ляжыць ў іх аснове, дазваляюць ім шчасна суіснаваць ў рамках дадзенай выставачнай прасторы, захоўвая індывідуальнасць і дадаткоўвая адзін аднаго.

Агульны экспресіянісцкі пачатак напаўняе іх работы напругай і ўнутранай энэргіяй. У творах Барыса Семілетава яна дапамагае па-новаму раскрыць форму и сутнасць прадметаў. У Івана Семілетава гэта экспрэсіўнае ўспрыманне з`яў і дзеянняў. Валянцін Нудноў эмацыянальна пережывае пэўныя часавыя адрэзкі, трансфармуя і называя іх праз пэўныя з`явы.

Назва выстаўкі «Форма спалучэння» – гэта гульня слоў, зрушэнне паняццяў, надаванне гэтым паняццям новага сэнсу. Як некалькі хімічных элементаў, калі злучаюцца, ствараюць нейкае рэчыва, якое пазначана формулай, гэтак і розныя мастакі, калі аб`ядноўваюцца ў якой-небудзь выставачнай прасторы, часам злучаюцца ў зусім нечаканую новую эстэтычную субстанцыю.

Выяўленчая складаючая формулы, стылізаваная ў знак графіці, рэч сама па себе не даўгавечная, падкрэслівае пэўную іронію мастакоў па стаўленні да залішняй сур`ёзнасці ва ўспрыманні дадзеных «формаў спалучэння».

Формула хутчэй бутафорская, зыбкая для працяглага існавання ў часе. Яна паказвае толькі наяўнасць ў аўтараў некаторых, прыдатных для «спалучэння» пазіцый, але не змацоўвае іх «навек», пакідае ім права рухацца кожнаму ў сваім накірунку, не цэментуе іх у якім-небудзь «ізме».

Варыянтаў такіх «спалучэнняў» можа быть мноства. На гэтай выстаўцы прадстаўлены адзін з іх.

Барыс Семілетаў

Нарадзіўся ў 1956 г. ў Мінску.

1971-1975 – вучыўся ў Мінскім мастацкім вучылішчы імя А.К. Глебава.

1983 – скончыў Беларускі дзяржаўны тэатральна-мастацкі інстытут. З 1983 - удзельнічае ў мастацкіх выстаўках.

З 1993 – сябра Беларускага саюза мастакоў.

Іван Семілетаў

Нарадзіўся ў 1980 г. ў Мінску.

1991-1993 – вучыўся ў Гімназіі - каледжы мастацтваў імя І.В. Ахрэмчыка.

2004 – cкончыў Беларускую дзяржаўную акадэмію мастацтваў. З 1997 - удзельнічае ў мастацкіх выстаўках.

З 2008 – сябра Беларускага саюза мастакоў.

Валянцін Нудноў

Нарадзіўся ў 1961 г. ў Мінску.

1972-1979 – вучыўся ў Рэспубліканскай школе-інтернаце па музыцы і па выяўленчаму мастацтву.

1984 – скончыў Беларускі дзяржаўны тэатральна-мастацкі інстытут. З 1985 - удзельнічае ў мастацкіх выстаўках.

З 1999 – сябра Беларускага саюза мастакоў.

Выстаўка працягнецца па 30 красавіка 2016 г.

аддзел выставак

2805608