Ганарымся калегамі! У Мінску ўручылі прэміі бюро «Месяца фатаграфіі»

Уручэнне Прэміі Бюро МФМ

3 кастрычніка а 19.00 былі прадстаўленны вынікі Прэміі Бюро МФМ.
Ідэя заснавання Прэміі Бюро МФМ узнікла напярэдадні заканчэння 2016 года, Года культуры. Такім чынам арганізатары жадалі падвесці вынікі падзей, якія мелі дачыненне да фатаграфіі. Камандай МЕСЯЦА ФАТАГРАФІІ Ў МІНСКУ была заснавала асобная прэмія, якую склалі чатыры намінацыі:

– публікацыя года (кніга, артыкул, эсэ);
– выстава / фотапраект года;
– фатограф / аўтарскі праект года;
– фотакуратар (куратарская група) года.

Заснаванне прэміі з“яўляецца значным крокам, бо дазваляе фіксаваць важныя падзеі ў свеце беларускай фатаграфіі. Спадзяёмся, што прэмія будзе даваць магчымасць адсочваць дынаміку развіцця фатаграфіі ў Беларусі зараз і цяпер, як Архіў Бюро МФМ дазваляе фіксаваць гісторыю беларускай фатаграфіі.

Асабліва рады за нашых калег, якія сталі прызёрамі  у дзвюх намінацыях:

Праект/ фотавыстава 2016 года  

2-е месца:

"За міжнародны фармат і канцэптуальную выверанасць. За даследаванне эвалюцыі цялеснага канону і стэрэатыпаў маскуліннасці ў кантэксце гісторыі мастацтва": Алеся Белявец

“Anatomia. Мужчынскае цела”. Куратарка Дзіна Даніловіч

Куратар/ка года

3-е месца:

Уладзімір Парфянок за куратарскую дзейнасць НЦСМ 

2-е месца:

"Яна распачала цікавы праект White Room для маладых фотамастакоў. Таксама была куратарам шэрагу адметных выстаў і праектаў, сярод якіх адзначу "Анатомію", што сёлета адвёў пільны позірк ад жаночага цела і скіраваў да мужчынскага".

Дзіна Даніловіч з праектамі “Non-fashion” і “Аnatomia. Мужчынскае цела”