З 29 красавіка 2021 г. Міністэрства культуры сумесна з Мясцовым дабрачынным фондам імя Аляксея Талая абвяшчае конкурс эскізных праектаў памятнага знака «Жывая памяць удзячных пакаленняў».
Мэтай дадзенага конкурсу з'яўляецца пошук найбольш выразнага вобразнага рашэння, якое сродкамі манументальнага мастацтва адлюструе падзяку новых пакаленняў ветэранам, удзельнікам, работнікам тылу, партызанам, падпольшчыкам, усім, хто па меры сіл набліжаў дзень Перамогі.
Удзельнікамі конкурсу могуць быць аўтары або аўтарскія калектывы, якія складаюцца са скульптараў і архітэктараў, якія маюць або атрымліваюць адпаведную прафесійную адукацыю.
Для ўдзелу ў конкурсе да 20 мая 2021 года ўключна трэба падаць заяўку па форме ў Міністэрства культуры па адрасе: г.Мінск, пр.Пераможцаў, 11, оф. 718, кантактны тэлефон + 375 17 204 86 05.
Матэрыялы конкурсу павінны быць прадстаўлены ўдзельнікамі конкурсу не пазней 17.00 20 мая 2021 года па адрасе: г. Мінск, вул.Някрасава, 3, ДУКЗТ «Нацыянальны цэнтр сучасных мастацтваў».
Матэрыялы конкурсу разглядаюцца журы на закрытым пасяджэнні не пазней 24 мая 2021 года.
Дадатковая інфармацыя: +375 (17) 235-03-31
Запрашаем арганізаваныя школьныя групы у Нацыянальны цэнтр сучасных мастацтваў на лялечныя спектаклі!
