Адукацыя

Лабірынты гісторыі беларускага фотамастацтва

  • 21.03.2018
  • г. Мінск, Някрасава, 3
  • Тэл. +375 17 235 03 32

Працягваем месяц гісторыі беларускай фатаграфіі ў дыскусійным клубе BLOWUP Нацыянальнага цэнтра сучасных мастацтваў Беларусі (Мінск, вул. Някрасава, 3) паўторным паказам дакументальных фільмаў Аляксанда Матафонава з цыклу "Лабірынты гісторыі беларускага фотамастацтва".

Фільм першы прысвечаны пачатку і росквіту беларускай фатаграфіі. Аўтар правядзе паралелі ў развіцці фатаграфічнай справы Парыжа, Масквы, Пецярбурга і Мінска. Гледачы даведаюцца пра загадкавую гісторыю першага вядомага фотаздымка ў Беларусі, аўтарства якога належыць Антону Прушынскаму.

Другі фільм прысвечаны выдатнаму віцебскаму фатографу-вынаходніку шторна-шчыліннага затвора Сігізмунду Юркоўскаму, які стварыў славутую калекцыю фотаздымкаў гарадскога пейзажу Віцебска канца ХІХ стагоддзя. Таксама Юркоўскі вядомы як аўтар партрэтаў рускага мастака Ільі Рэпіна.

Фільм трэці распавядзе пра сапраўдную сенсацыю ў сусветай фатаграфіі, якой стала выпадковая знаходка ў Парыжскай антыкварнай краме фотаальбома графа Бенедыкта Тышкевіча. Гэта быў заможны арыстакрат, які атрымаў у спадчыну шмат нерухомасці і капіталу, меў маёнткі ў Францыі, Літве, Беларусі. Тышкевіч знаходзіў радасць у паляваннях з шляхцiцамi, вандроўках па свеце і фатаграфіі. 86 ягоных фотаздымкаў, большая частка якіх зроблена ў Беларусі, захоўваюцца ў Музеі фатаграфіі Нісефора Ньепса ў Францыі. Аўтар праводзіць уласнае расследаванне творчай спадчыны графа і высвятляе, што часткова яна захоўваецца і ў Беларусі.

Апошняя, чацвёртая, серыя фiльма прысвечана гісторыі таемнай манаграмы "ЛД", якую пакідаў на сваіх фотаздымках невядомы беларускі фотамайстра ХХ стагоддзя. Двухгадовыя пошукі дазволілі адкрыць новае імя ў гісторыі айчыннай культуры. Ім аказаўся навуковец і педагог, вынаходнік і фатограф, першы ў Беларусі выкладчык тэарэтычнай і практычнай фатаграфіі Леў Дашкевіч.

Чакаем вас на паказе і абмеркаванні фільмаў 21 сакавіка 2018 г. а 19.00.

Мяркуецца ўдзел аўтара фільмаў сп. Аляксандра Матафонава ў праграме дыскусійнага клуба BLOWUP.

Уваход на мерапрыемствы дыскусійнага клуба BLOWUP па ўваходных квітках на бягучую выставу.

Другія мерапрыемствы
26.09.2018 19:00 Някрасава, 3
26.09.2018 19:00 Някрасава, 3
Тэатр Playback-перформанс «Ирреальное в обычных историях»

Национальный центр современных искусств Республики Беларусь и креативная мастерская Натальи Немкевич приглашают 26 сентября в 19.00 на playback-перформанс «Ирреальное в обычных историях», который пройдет по адресу: ул. Некрасова, 3.

27.09.2018 18:00 Някрасава, 3
27.09.2018 18:00 Някрасава, 3
Адукацыя Майстар-клас па стварэнню беларускіх вясельных вянкоў

27 верасня а 18-ай гадзіне Нацыянальны цэнтр сучасных мастацтваў Рэспублікі Беларусь запрашае на майстар-клас па стварэнню беларускіх вясельных вянкоў. На працягу майстар-класа з дапамогай прафесійных этнографаў магчыма пазнаёміцца з традыцыйнымі беларускімі вясельнымі песнямі і прыняць удзел у іх выкананні. Сустрэчу праводзіць РМГА “Студэнцкае этнаграфічнае таварыства”.

20.10.2018 11:00 Някрасава, 3
20.10.2018 11:00 Някрасава, 3
Дзіцячыя мерапрыемствы Кукольный спектакль «Аленький цветочек».

​Национальный центр современных искусств Республики Беларусь и театр куклы и актера «Карабас» приглашают 20 октября в 11.00 на кукольный спектакль «Аленький цветочек». «Аленький цветочек» - это вечная история о добре и зле, преданности и бескорыстной любви, поставленная по одноименной сказке Сергея Аксакова.