Спецпраекты

​Мінчане змогуць атрымаць асалоду ад сучаснага мастацтва ў самых нечаканых месцах горада

  • 14.06.2018 - 01.09.2018
  • г. Мінск,
  • Тэл. +375 17 281–74–79
  • Тэл. +375 17 242–78–14

Гэтым летам жыхары Мінска і госці горада змогуць назіраць мастацкі праект Арт-запраўка. Абсалютна новая для горада форма рашэння экспазіцыі выставы аб'яднае 46 карцін 15 сучасных беларускіх мастакоў. Галоўнай асаблівасцю экспазіцыі з'яўляецца яе месцазнаходжанне. Для размяшчэння рэпрадукцый абраны 6 АЗС у Мінску. Беларускі жывапіс у рамках праекта Арт-запраўка даступны для кожнага - уваход на аўтазаправачныя станцыі, як заўсёды, свабодны.

Ініцыятарам праекта “Арт-запраўка” стала кампанія АЗС А-100 - менавіта на аўтазаправачных станцыях гэтай сеткі будуць размешчаны карціны беларускіх сучасных аўтараў, такіх як Леанід Шчамялёў, Раман Заслонаў, Уладзімір Тоўсцік, Ганна Сілівончык, Васіль Касцючэнка і іншых. Работы для экспазіцыі адабраны з фондаў Нацыянальнага Цэнтра Сучасных Мастацтваў.

Такі фармат мастацкай выставы ў Беларусі праходзіць упершыню. Раней для правядзення і размяшчэння культурных праектаў былі задзейнічаны розныя пляцоўкі, аднак аўтазаправачныя станцыі ў якасці выставачнай залы ніколі не выкарыстоўваліся. Цяпер АЗС стануць месцам, дзе можна не проста заправіць аўтамабіль палівам і перакусіць, але і прыемна правесці час, пазнаёміцца са светам сучаснага беларускага мастацтва, вывучыўшы працы мастакоў, якія працуюць у розных тэхніках і жанрах.

Рэпрадукцыі карцін, размешчаныя на аўтазаправачных станцыях, выкананы прапарцыйна натуральнай велічыні арыгіналаў. Выкарыстанне тэкстыльнага палатна надае аб'ём работам, якія першапачаткова намаляваны ў тэхніцы алейнага жывапісу.

- Папулярызацыя беларускага мастацтва і культурнай спадчыны - важны складнік пазіцыі нашай кампаніі. Так для нашых кліентаў ужо даўно існуе магчымасць наведваць Нацыянальны мастацкі музей і Музей гісторыі Вялікай Айчыннай вайны за палову кошту білета. Маштабны праект Арт-запраўка, рэалізаваны пры падтрымцы НЦСМ, стаў лагічным працягам: ён прадастаўляе кругласутачны свабодны доступ да экспазіцыі для ўсіх жадаючых. Ўпэўнены, што нам удасца прыемна здзівіць мінчан і гасцей горада, а нашы найбуйнешыя АЗС стануць у гэтым сезоне сапраўдным упрыгажэннем сталіцы! - пракаментавала дырэктар ГК А-100 АЗС Ганна Красоўская.

Выстава“Арт-запраўка” - прыклад таго, калі мастацтва становіцца даступным абсалютна для кожнага. Такая экспазіцыя не патрабуе ўваходнага білета, і любы жадаючы можа азнаёміцца з працамі, прадстаўленымі ў рамках выставы.

- Прыемна, што бізнес займае актыўную пазіцыю ў прасоўванні айчыннай гісторыка-культурнай спадчыны. Задача гэтага праекта - пазнаёміць шырокую публіку з творчасцю найбольш прыкметных прадстаўнікоў сучаснага беларускага мастацтва. Мы хочам звярнуць увагу гледача на асаблівы аўтарскі стыль, незвычайныя вобразы і каляровыя рашэнні работ, іх рознапланавасць і самабытнасць, - адзначыў Сяргей Крыштаповіч, дырэктар Нацыянальнага Цэнтра Сучасных Мастацтваў (НЦСМ).

Праект “Арт-запраўка” пачне сваю працу 14 чэрвеня і працягнецца да восені. Увесь гэты час ён будзе актыўна развівацца і атрымае свой працяг ва ўнікальных падзеях як сучаснага мастацтва, так і беларускага стрыт-арта. Плануецца правядзенне тэматычных актыўнасцей і інтэрактыўных мерапрыемстваў з далучэннем да іх мностважыхароў і гасцей нашай сталіцы.

Толькі ў гэтым сезоне, са стартам праекту “Арт-запраўка”,6 новых бясплатных музеяў адкрыты для ўсіх у любы час сутак.

     

Другія мерапрыемствы
19.04.2020 18.00 Някрасава, 3
19.04.2020 18.00 Някрасава, 3
Тэатр Спектакль «Москоу Дримин»

Иногда кажется, что все наши проблемы возникают не из-за нас. Виноваты семья, друзья, власть... В желании кардинальных перемен кто-то решается уехать в другой город, страну, на другой континент. Ведь там больше возможностей и никто не помешает начать все заново. Оказывается, чтобы изменить свою жизнь, стоит всего лишь изменить себя, свой взгляд на мир. Но как это сделать?

20.03.2020 26.04.2020 12.00 - 20.00 Някрасава, 3
Адукацыя Афиша мероприятий в рамках выставки «Я Моне Я Шишкин Я Малевич»

Афиша мероприятий выставочного проекта «Я Моне Я Шишкин Я Малевич», в рамках которого кураторская группа в течение трех дней принимала в порядке живой очереди по одному произведению от каждого художника, желающего показать зрителям одну свою лучшую работу.

04.03.2020 29.04.2020 12.00 - 20.00 Незалежнасці, 47
Спецпраекты Программа мероприятий выставочного проекта «Джаз! Коты! Весна!»

Программа мероприятий включает открытые экскурсии по выставке «Джаз! Коты! Весна!» (каждый четверг и субботу), Fashion Show, в котором примут участие лучшие школы красоты и моделинга города Минска, мастер-класс по акварели для детей «Весеннее вдохновение», концерт Школы современного вокального искусства Вероники Яновской «Дети поют джаз».