Выставы

Персанальная фотавыстава Валерыя Вядрэнкі “Лошыцкі дыярыуш”

  • 09.03.2017 - 28.03.2017
  • 17.00
  • г. Мінск, Незалежнасці, 47
  • Тэл. +375 17 235–03–32
  • Тэл. +375 17 399–09–78

9 сакавіка 2017 года а 17-ай гадзіне ў Нацыянальным цэнтры сучасных мастацтваў Рэспублікі Беларусь (пр. Незалежнасці, 47) адбудзецца адкрыццё персанальнай фотавыставы Валерыя Вядрэнкі “Лошыцкі дыярыуш”.


Выстава «Лошыцкі дыярыуш» - вынiк фотасесій 2004 – 2012 гадоў у старым раёне Мінска - Лошыцкім парку, дзе цудам захавалася старадаўняя шляхецкая сядзіба, першае згадванне пра якую датуецца 1557 годам. Сёння Лошыца, гэта музейна-паркавы комплекс, які паставіў кропку ў біяграфіі сядзібы. Дыярыуш (у перакладзе з лацінскай мовы — дзённік) — жанр старажытнабеларускай літаратуры, у якім у храналагічнай паслядоўнасці перадаваліся падзеі грамадска-палітычнага ці прыватнага жыцця праз суб'ектыўнае ўспрыманне пэўнай асобы.

Маляўнічы краявiд на месцы злучэння рэчак Свіслачы і Лошыцы памятае і паганскія часы, і Вялікае Княства Літоўскае, і Рэч Паспалітую, і Расійскую імперыю і савецкую Беларусь. І ва ўсе часы ў Лошыцы былі свае прыкметныя падзеі, свае героі і свае легенды. Але мяне зацікавіла апошняя старонка гісторыі лошыцкай сядзiбы, якую бачыў сам і якую паспеў зафіксаваць. Дзіўна, але факт, што пры дэканструкцыі сядзібнага дома загінулі, пры розных абставiнах, векавыя дрэвы, якія суправаджалі гісторыю лошыцкагамаёнтка.

Стары парк, алеі, руіны алтарнi, векавыя дрэвы, млыны і сам краявiд Лошыцы ствараюць асаблівы настальгічны настрой, такi рэдкi для сучаснага Мінска. Сама атмасфера ў гэтым месцы выклікае паэтычныя вобразы, якія, зрэшты, далёкія ад пастаральных. За прывабнай і гарманічнай прыродай крыецца ўнутраная трывога – так сядзібны парк раптам канчаецца крутым абрывам над павольнай вадой цёмнай Свіслачы, у якой адбілася не адна чалавечая драма.

І мімаволі ўспамінаецца загадкавая гісторыя апошніх гаспадароў Лошыцы – Яўстафія і Ядзвігі Любанскіх. Менавіта іх намаганнямi Лошыцкая сядзіба набыла выгляд, які дайшоў да нашага часу. Яна захавала нетолькі дух шляхецкага рамантызму, не толькі дух трагедыі гэтай сям'і, але і дух апошніх нашчадкаў пяці стагоддзяў культурна-гістарычнай традыцыі.

Валерый Вядрэнка

Выстава працуе па 28 сакавіка 2017 года.

Часы працы 11.00 – 19.00, серада 13.00 – 21.00, выхадныя – нядзеля, панядзелак.

Тэлефон: (+375 17) 288 24 68, 284 37 22 – НЦСМ на пр. Незалежнасці, 47

Другія мерапрыемствы
21.10.2023 31.05.2024 15:00-17:00 Незалежнасці, 47
21.10.2023 31.05.2024 15:00-17:00 Незалежнасці, 47
21.10.2023 31.05.2024 15:00-17:00 Незалежнасці, 47
Адукацыя «АРТ-АЗБУКА в НЦСИ» 8+

Приглашаем детей от 8 до 11 лет в увлекательный мир искусства. Если ваш ребенок любит творить! Если ему интересно, чем печатная графика отличается от оригинальной, если он хочет узнать о современном искусстве и известных художниках, то ждем вас в гости!

Адукацыя Курс «АРТ-АЗБУКА В НЦСИ» 16+

Это курс лекций и творческих занятий, непринужденной беседы и расширения своих познаний об искусстве. Коммуникация с кураторами, художниками, знакомство с их творчеством, приобретение навыка «видеть» картину и раскрывать замысел автора, а также многое другое.