Персанальная выстаўка Аляксандра Фінскага «ДЫЯЛОГІ»

9 лістапада 2016 г. а 17-ай гадзіне ў Нацыянальным цэнтры сучасных мастацтваў Рэспублікі Беларусь (ПЛЯЦОЎКА – пр. Незалежнасці, 47) адбудзецца адкрыццё персанальной выстаўкі вядомага беларускага скульптара Аляксандра Фінскага «ДЫЯЛОГІ».

«Канцэпцыя выстаўкі ўтрымліваеццаў самой назве. Мастакі навакольны свет вакол яго заўсёды знаходзяцца ў стане дыялога. Гэта ўзаемасувязь можа быць шматграннай, на узроўнях як свядомасці, гэтак і падсвядомасці.

Для скульптара вельмі важны дыялог з матэрыялам, ў якім ён працуе.На выстаўцы прадстаўлены работы, якія выкананы ў бронзе, граніце, дрэве, шамоце, мармуры, гіпсе. Акцэнт, які зроблены на пластычных магчымасцях кожнага з гэтых матэрыялаў, дапамог мне ўстварэннівобразаў.

У графічных аркушах я зрабіў спробу злучыць графіку і скульптуру, таму што не заўсёды скульптар можа выбраць прастору для сваёй работы, а ўмалюнку можна пафантазіраваць іўявіць гэтую прастору» (А. Фінскі).

Аляксандр Міхайлавіч Фінскі

Нарадзіўся 02.01.1953 года ў пасёлку Вясёлы Гай Пухавіцкага раёна Мінскай вобласці.

1964-1971 – вучыўся ўРэспубліканскай школе-інтэрнаце па музыцыівыяўленчаму мастацтву (зараз – Беларускі рэспубліканскі навучальны комплекс гімназія-каледж мастацтваў імя І.В. Ахрэмчыка).

1971-1977 – вучыўся ў Беларускай дзяржаўнай акадэміі мастацтваў, аддзяленне скульптуры.

З 1975 – пачынае актыўную выставачную дзейнасць. Сябра Беларускага союзамастакоўз 1989 года.

З 1991 – выкладчык кафедры скульптуры Беларускай дзяржаўнай акадэміі мастацтваў.

2002-2007 – намеснік старшыні Беларускага союза мастакоў.

Уцяперашнічас – дацэнт кафедры скульптуры Беларускай дзяржаўнай акадэміі мастацтваў.

За сваю шматгадовую творчую дзейнасць стварыў шэраг твораў манументальнага мастацтва, з якіх найбольш вядомыя:

- мемарыяльны комплекс «ЧырвоныБераг», пасёлак Чырвоны Бераг Гомельской вобласці.

- помнік Сімяону Полацкаму, г. Полацк Віцебскай вобласці.

- помнікАдаму Міцкевічу, г. Мінск.

- мемарыяльная дошка польскаму скрыпачу і кампазітару Г. Веняўскаму, г. Масква, РФ.

- скульптурныя кампазіцыі для Нацыянальнага тэатра оперы і балета, г. Мінск.

- знак «Нулявы кіламетр» на Кастрычніцкай плошчы, г. Мінск.

- мемарыял «Яма. Мінскае гета», г. Мінск.

- помнікМаксіму Танку, г. Мядзел Мінской вобласці.

- скульптурная кампазіцыя «Вечэрні Блюз» для парка скульптуры, г. Пекін, КНР.

За сваю творчую дзейнасць мае наступныя ўзнагароды:

2001 – прэмія Беларускага союза архітэктараў.

2002 – спецыяльная прэмія Прэзідэнта Рэспублікі Беларусь.

2011 – лаурэат Дзяржаўнай прэміі Рэспублікі Беларусь.

2014 – медаль Францыска Скарыны.

2016 – дыпломізалатымедаль Arts-Sciences-Lettres.Парыж, Францыя.

Выстаўка працягнецца па 26 лістапада 2016 г.