Выставы

Выстаўка керамікі Ірыны Шчаснай «Калекцыя»

  • 12.09.2019 - 29.09.2019
  • 12.00 - 20.00
  • г. Мінск, Незалежнасці, 47
  • Тэл. +375 17 281–74–79
  • Тэл. +375 17 242–78–14

12 верасня 2019 г. а 17-ай гадзіне ў Нацыянальным цэнтры сучасных мастацтваў Рэспублікі Беларусь адбудзецца адкрыццё персанальнай выстаўкі сучаснай керамікі Ірыны Шчаснай «КАЛЕКЦЫЯ».

«Калекцыяніраванне (ад лацінскага – Collectio) – мэтанакіраванае збіральніцтва, сістэматызаваны падбор і класіфікацыя якіх-небудзь аднародных прадметаў, аб'яднаных па пэўных прыкметах, якія маюць навуковую, гістарычную або мастацкую каштоўнасць. Адрозніваецца ад простага збіральніцтва, якое зводзіцца ў асноўным да бессістэмнага назапашвання тых ці іншых прадметаў».

«Калекцыя ўяўляе сабой групу аб'ектаў, вядомых як яе элементы. Некаторыя калекцыі дазваляюць захоўванне некалькіх аднолькавых элементаў, некаторыя – не».

«Можна смела сцвярджаць, што кожны з нас, нават не ўсведамляючы гэтага, з'яўляецца калекцыянерам. Бо само жыццё ёсць калекцыя. Калекцыя імгненняў, секунд, гадзінаў, дзён, месяцаў, гадоў. Калекцыя непаўторных і важных для нас падзей і ўражанняў ад іх. І, таксама, жыццё – гэта працэс пастаяннага руху і зменаў. Тое, што было каштоўна ўчора – можа сёння страціць у нашых вачах усялякую значнасць.

Чалавечая прырода змяняецца надзвычай павольна і, імкліва ствараючы сёння тэхналагічныя і культурныя змены, мы да іх у поўнай меры не гатовыя. Аднак соцыум не столькі не жадае мяняцца «зусім», колькі не здольны мяняцца «занадта хутка».

Сёння, у часы татальнай тэхнічнай узнаўляльнасці, як ніколі ўзрастае каштоўнасць існавання так званага «арыгінала» – нечага сапраўднага, першароднага, непаўторнага. Не штучнага, а прыналежнага мастацтву.

Адно з самых старажытных мастацтваў – мастацтва керамікі, па-ранейшаму здольна максімальна наблізіць нас да гэтага арыгіналу, бо як і ў мінулыя эпохі яно нясе ў сабе магутную міфалагізаваную метафару, адзіную для ўсіх культур. У акце стварэння любога з яе аб'ектаў заўсёды задзейнічаны такія магічныя першаэлементы, як Зямля (гліна) і Агонь (абпал), Вада (гліна і палівы) і Паветра (творчасць). Кожны прадмет утрымлівае ў сабе і ілюзорную трываласць, і далікатнасць рэальнасці. Ён валодае і унікальнай эстэтычнай якасцю – «прыгажосцю» – як звышзадачай кожного стварэння. Прыгажосць непазьбежна прысутнічае і ў любым арыгінальным творы керамікі.

Вядома, што мастак па сваёй прыродзе – стваральнік новых сусветаў. У кантэксце штодзённай культуры яго і сёння лёгка можна ўявіць, як міфалагічнага ганчара, які здольны «з нічога» стварыць любую рэч і «удыхнуць» у яе жыццё. Магчыма менавіта таму і зараз, ў акружэнні тэхнагеннай рэальнасці, творы мастацтва валодаюць здольнасцю прыцягваць да сябе настолькі моцна, што многія з нас у літаральным сэнсе не ў сілах пазбавіць сябе ад дзіцячага жадання дакрануцца да прадмета, які так яўна ўсхваляваў іх – каб адчуць яго спрадвечнасць, унікальнасць, нязменнасць.

Прапануемая ўвазе гледача «Калекцыя» Ірыны Шчаснай – гэта квінтэсенцыя з формаў, тэхнік, фактур, сілуэтаў і дэталяў, назапашаных аўтарам за апошнія гады. Калі спрабаваць праводзіць паралелі, то па сваёй вобразнасці і філасофскай змястоўнасці «Калекцыя», найбольш блізкая да фундаментальных катэгорый мастацтва Усходу. Адначасова і камерная і манументальная – нічога лішняга і празмернага – «Калекцыя» напоўнена сапраўды дзэнскім спакоем, цішынёй, глыбінёй і вечнасцю японскага Сада Камянёў.

Бачная нам завершанай, «Калекцыя» Ірыны Шчаснай на самай справе не мае рэальных межаў. Простая і лаканічная праектная форма, мэтанакіравана абраная для прэзентацыі экспазіцыі, дазваляе аўтару пры жаданні павялічваць колькасць элементаў агульнай структуры да бясконцасці, дадаючы новыя структурныя элементы – вынаходлівыя, тэхнічна бездакорныя і эстэтычны зачаравальныя сваім нечаканым камбінаваннем каменных мас і шамоту, паліваў і аксідаў, розных відаў абпалу (дымленне, аднаўленне, электра і дроўны) – з таго інструментару керамічнага мастацтва, якім бездакорна валодае Ірына. У сваю чаргу, наведвальнік, умоўна абмежаваны бачнай колькасцю прадметаў, таксама здольны свабодна пашыраць экспазіцыю ў бок ўяўнага, уступіўшы ў дыялог з аўтарам, дазволіўшы сабе любую гульнёвую камбінацыю. Музейная камунікацыя непрадказальна – злучаючы погляд і камбінуючы ў сваім уяўленні розныя бачныя ў прасторы 49 частак кампазіцыі, іх фактуры і колеры, а таксама адгадваючы знакавую сімволіку, звязваючы сэнсы ў камбінацыі і ствараючы свае гісторыі – фармуецца ўласнае светаўспрыманне. У гэтым працэсе просты этап назірання непазбежна пераходзіць у свядомасці ў этап вышэйшага парадку – этап індывідуальнай сістэматызацыі. Як вынік – з судакранання з «Калекцыяй» Ірыны Шчаснай, кожным глядачом непазбежна будзе створана прыватная міні-калекцыя яе мастацтва. Якая і застанецца з ім назаўсёды.

Андрэй Янкоўcкi, мастацтвазнавец


Шчасная Ірына Генадзьеўна

1970 – нарадзiлася ў Беларусi.
1992-1997 – студэнтка Беларускай акадэмii мастацтваў. Факультэт дызайну i дэкаратыўна-прыкладнога мастацтва, спецыяльнасць «Керамiка».
З 1990 – удзельнік мiжнародных i рэспублiканскiх выставак у галiне дэкаратыўна-прыкладнога мастацтва (Беларусь, Расiя, Украiна, Польшча, Швейцарыя, Германiя).
З 1997 – удзел у мiжнародных керамiчных пленэрах «Арт-Жыжаль», «Керамiка-Раку», «Вогненныя пiсьмёны» (Беларусь, Украiна, Расiя).
1998 – Лаўрэат у намінацыі «Кераміка» на рэспубліканскай мастацкай выстаўцы «Час, прастора, асоба», РМГ БСМ.
З 2000 – сябра Беларускага саюза мастакоў.
2000 – Лаўрэат у намінацыі «Кераміка» на рэспубліканскай мастацкай выстаўцы «Новыя імёны», РМГ БСМ.
2004 – Лаўрэат Спецыяльнага прыза Банка міжнароднага гандлю і інвестыцый на рэспубліканскай мастацкай выстаўцы «Падарожжа», РМГ БСМ. – Стыпендыя Міністэрства культуры Рэспублікі Беларусь.
2013 – Лаўрэат у намінацыі «Прафесіяналы» катэгорыі «Наватарства», лаўрэат у катэгорыі «Прыз глядацкіх сімпатый» на II Рэспубліканскай трыенале беларускага дэкаратыўна-прыкладнога мастацтва «Белартдэка-2013» у Мінску.
2016 – Лаўрэат в намінацыі «Арт-Аб`ект» (1 месца) на III Рэспубліканскай трыенале беларускага дэкаратыўна-прыкладнога мастацтва «Fuctum est Fuctum» у Мінску.
2017 – Фіналіст конкурса на атрыманне звання лаурэата «Нацыянальнай прэміі ў галіне выяўленчага мастацтва«, Нацыянальны цэнтр сучасных мастацтваў Рэспублікі Беларусь.

Жыве i працуе ў Мiнску.


Выстаўка працягнецца па 29 верасня 2019 г. па адрасу: праспект Незалежнасці, 47.
Час працы: аўторак-нядзеля з 12:00 да 20:00.
Работа з арганізаванымі школьными групамі з 11:00.
Выхадны: панядзелак.
Каса: +375 (17) 242-78-14.
Інфармацыя: +375 (17) 235-03-32.

     

Другія мерапрыемствы
08.12.2019 19.00 Някрасава, 3
Тэатр Спектакль «Москоу Дримин»

Иногда кажется, что все наши проблемы возникают не из-за нас. Виноваты семья, друзья, власть... В желании кардинальных перемен кто-то решается уехать в другой город, страну, на другой континент. Ведь там больше возможностей и никто не помешает начать все заново. Но всегда ли это так? Оказывается, чтобы изменить свою жизнь, стоит всего лишь изменить себя, свой взгляд на мир. Но как это сделать?

26.10.2019 08.12.2019 11.00 - 20.00 Някрасава, 3
Адукацыя Экскурсии по выставке «День будет ясным!»

Экскурсии по выставке включают просмотр архивного киножурнала «Минск наш» об освобождении Минска и тематическую беседу о художниках-ветеранах ВОВ, чьи картины представлены в экспозиции. Кинофильм предоставлен Белорусским государственным архивом кинофотодокументов. На выставке представлены работы из коллекции НЦСИ.

10.12.2019 19.00 Някрасава, 3
Тэатр Спектакль «Музыка улиц»

Сейчас в Минске все чаще можно встретить уличных музыкантов, людей, которые выходят на улицу делиться своим творчеством. Сегодня уличная музыка – это не только способ немного подзаработать, это возможность выразить себя и быть услышанным. Герои документального спектакля «Музыка улиц» один раз попробовав играть на улицах, сделали это делом своей жизни.