Выстаўка жывапісу з фондаў НЦСМ РБ «БЕЛАРУСКІ ЛАНДШАФТ»

2 жніўня 2016 г. у Нацыянальным цэнтры сучасных мастацтваў Рэспублікі Беларусь (ПЛЯЦОЎКА – вул. Някрасава, 3) пачне работу выстаўка жывапісу з фондаў НЦСМ РБ «БЕЛАРУСКІ ЛАНДШАФТ».

У гэтыя спякотныя дні запрашаем убачыць дасягненні беларускага выяўленчага мастацтва ў сусветна вядомым жанры, атрымаць асалоду ад прыгажосці роднай прыроды.

Ландша́фт (ням. Landschaft, від мясцовасці, ад Land — зямля и schaft — суфікс, які выражае ўзаемасувязь, узаемазалежнасць). Даслоўна можабыць перакладзены як «вобраз краю». Ландшафт вырашаецца згодна мастацкім накірункам, у якіх працуюць аўтары, але асноўныя прынцыпы не змяняюцца з часоў з`яўлення тэорыі перспектывы. Максімальнае абагульненне яго можна заўважыць у дзяржаўных сцягах шматлікіх краін.

У тых, хто аднойчы ўбачыў нашу зямлю, засталася ў сэрцы прыгажосць беларускай прыроды, бясконцыя лясы, азёра і рэчкі, якія пераходзяць у блакітнае неба, якое мяняецца з хуткасцю прыбрэжных краін. Праходзіць час, з`яўляюцца новыя пакаленні, а веліч беларускага ландшафта застаецца спрадвечным “фонам” нашага жыцця. Распаханыя палі, архітэктурныя матывы, святы і будні адлюстраваліся ў шматлікіх палотнах мастакоў, каштоўнасць твораў якіх з тягам часу ўзрастае – сучаныя тэхналогіі і тыражнасць робяць прафесійны краявід дарагім рарытэтам.

Творы ў жанры краявіда, якія набываліся і прымаліся ў падарунак з 1990-ых гадоў Музеем сучаснага выяўленчага мастацтва, а цяпер Нацыянальным цэнтрам, складаюць залаты фонд беларускага мастацтва. Беларусь знакаміта дзвумя тыпамі краявіду – выкананым у “суровым стыле” і больш новым, лірычным пейзажам, які, разам з кніжнай графікай, і стаў візітнай карткай краіны.Сустракаецца і абстрактны, геаметрычны пейзаж, націск у якім робіцца на каларыстычнае вырашэнне палатна.Даўно вядомы гледачам прозвішчы Віктара Вярсоцкага (1923-2004), Канстанціна Харашэвіча (1927-2013),Міхаіла Рагалевіча(1932-2010), шмат краявідаў бачым і ў майстроў сюжэтна-тэматычнай карціны Гаўрыіла Вашчанкі (1928-1914), Уладзіміра Тоўсціка. Каларыстаў прадстаўляюць ЛеанідХобатаў, Мікалай Бушчык, Аляксандр Салаўёў і Алег Скавародка. Незвычайна выглядае экспрэсіянізм Сяргея Балянка і Сяргея Пілата.

Бушчык М.У. Светлая ноч. 1983.

Вашчанка Г.Х. Прадчуванне.1990.

Вярсоцкі В.І. Да вечара. Рака Сула. 1999.

Касцючэнка В.К. Змрок белага дня.1996.

 Харашэвіч К.І. Першы снег.2000.