Выставы

Выстава «Аб’ект - КЕРАМІКА II»

  • 27.11.2019 - 15.12.2019
  • 12.00 - 20.00
  • г. Мінск, Незалежнасці, 47
  • Тэл. +375 17 281–74–79
  • Тэл. +375 17 242–78–14

«Адчуванне прыгажосці заўсёды блакуецца дакладным выяўленнем «аб’екта», таму аб’ект мусіць абстрагавацца ад любой канкрэтыкі»
Піт Мандрыян

З 27 лістапада па 15 снежня Нацыянальны цэнтр сучасных мастацтваў на пр-це Незалежнасці, 47 запрашае на выставу Ганны Амбросавай і Вольгі Сямашка «Аб’ект - КЕРАМІКА II».

Гліна не змяняе сваю сутнасць і заўсёды застаецца глінай, нават калі праз прасцейшую форму выяўляе самы складаны змест, калі мяккасць і пластычнасць нараджаюць непадатнасць і цвёрдасць. І гэта дэманструюць выстаўленыя керамічныя аб’екты. Ганна Амбросава і Вольга Сямашка ў сваіх работах паспрабавалі максімальна раскрыць тэму: Аб’ект – кераміка. Усе работы створаны за апошнія пяць гадоў, і тэма «аб’екта» не давала спакою аўтарам апошнія гады. Некаторыя работы былі створаныя непасрэдна для гэтай выставы.

Пры дапамозе керамічнай пластыкі мастак паказвае трансфармацыю пачуццяў і думак, формаў і станаў, прадметаў і ўяўленняў. Аднак самае галоўнае тое, што ў гэтым працэсе ўдзельнічае сам глядач. Таму што толькі дзякуючы назіральніку адбываецца прыгожая гульня - візуальны дыялог з творам, падчас якога і ўзнікае множнасць унікальных варыянтаў успрыняцця.

Керамічныя вырабы, прадстаўленыя на выставе, фармальна знаходзяцца ў межах сучасных тэндэнцый, наватарскія па задуме і выкананню, яны ствараліся з выкарыстаннем самых старажытных беларускіх тэхналогій - ручная фармоўка, дымленне, абвару, у розных кампазіцыйных спалучэннях.

«Аб’ектам нашых творчых даследаванняў з’яўляецца кераміка. Мы імкнемся раскрыць своеасаблівасць спецыфічных прыёмаў і асаблівасцяў у формаўтварэнні керамічнай пластыкі, яе дэкорную разнастайнасць і асацыятыўнасць», - кажуць аўтары ў прамове да выставы.

Адкрыццё выставы - 27 лістапада ў 18:00.

Выстава працягнецца па 15 снежня.

НЦСМ на пр-це Незалежнасці, 47
Кошт квіткоў: 5 р. / 2 р. (агульны квіток на выставы, якія праходзяць у гэты час у НЦСМ на пр-це Незалежнасці, 47)
Час працы: серада-нядзеля з 12:00 да 20:00
Работа з арганізаванымі школьнымі групамі - з 11:00
Выхадныя: панядзелак, аўторак
Каса: +375 (17) 242-78-14
Інфармацыя, запіс на экскурсію: +375 (17) 235-03-32

     

Другія мерапрыемствы
25.01.2020 16.00 Незалежнасці, 47
25.01.2020 16.00 Незалежнасці, 47
Адукацыя Открытые экскурсии по выставке авторских кукол «Панна Doll’я»

Лучшие мастера Беларуси, стран зарубежья представили свои работы в разных техниках: текстильные куклы и медведи, статичная экспозиция кукол и портретные работы. Вы узнаете, насколько необычными и разными бывают куклы: от чердачных из текстиля до фарфоровых раритетов.

25.01.2020 26.01.2020 11.00 - 19.00 Някрасава, 3
25.01.2020 26.01.2020 11.00 - 19.00 Някрасава, 3
25.01.2020 26.01.2020 11.00 - 19.00 Някрасава, 3
Дзіцячыя мерапрыемствы «Мои университеты», или презентация зимнего TOYDAY

В конце января пройдет очередной семейный игровой фестиваль TOYDAY (ТОЙДЭЙ), который будет посвящен знаниям, умениям и разного рода учениям. Всех пришедших ждут интересные зоны, строгие и справедливые преподаватели, развлекательная программа, конкурсы с призами и подарками, и... много чего еще!).

21.02.2020 19.00 Някрасава, 3
Тэатр Спектакль «С любимыми не расставайтесь»

Семейные пары распадаются по разным причинам. Как так происходит? Почему люди, когда-то любившие друг друга, сыгравшие свадьбу искренне и по любви, теперь видят свое счастье вне семьи, вне жизни с этим же самым человеком? Герои нашего спектакля-ностальгии претерпевают трудности распада семьи. Выйти сухим из воды не удастся никому.