Выставы

Выстава фотаздымкаў Саўлюса Журы «Віленскія гарызонты»

  • 07.02.2020 - 23.02.2020
  • 12.00 - 20.00
  • г. Мінск, Незалежнасці, 47
  • Тэл. +375 17 281–74–79
  • Тэл. +375 17 242–78–14

Нацыянальны цэнтр сучасных мастацтваў (пр-т Незалежнасцi, 47), запрашае Вас у перыяд з 07 па 23 лютага наведать Выставу фотаздымкаў Саўлюса Журы «Віленскія гарызонты».

Не так проста патлумачыць сабе і іншым, што такое «мой горад», – прасцей паказаць. Аднак, кажучы пра яго фатаграфію, важна зразумець адну рэч – аб’ектыўнай, бачнай для ўсіх па-аднолькаваму гарадской прасторы няма. Існуюць толькі індывідуальныя кагнітыўныя карты нашага руху. Мы рухаемся не столькі па архітэктурных прасторах, колькі па ўяўных шляхах, рухаемся тактыльна, кіруючыся звычкамі і бачнымі толькі для нас знакамі. Добры фатограф ведае: тое, што бачна – няпраўда. Як толькі мы нараджаемся, нас паглынае гарадская прастора, яе перспектывы і маштабы, яе вобразы і пахі, гукі, што яна фармуе, і звінячая цішыня, тупыя плоскасці і фатальныя праёмы.

Спытайце ў Саўлюса Журы, дакладней, выйдзіце з ім ранкам ці ўвечары ў аблюбаваныя фатографам мясціны горада Вільнюса, у якіх за будынкамі, за дымам, за застылым ад холаду небам ён бачыць прароцкія знакі. У іх няма віленскіх вежаў, але ёсць гукі званоў, што даносяцца з іх, няма вуліц, але чуецца пагрозлівы гул транспарту.

Горад – гэта шматгаловы жыццяздольны жыхар прырэчча, які хрыпіць, шыпіць, спіць і святкуе. Яго можна на кароткі час прыручыць, зразумець адну, другую асаблівасць яго характару, але не больш за тое. Таму Саўлюсу, як і мноству фатографаў, пісьменнікаў, мастакоў, даводзіцца днём, ноччу, зімой і летам ствараць свой Вільнюс, як гісторыю сваіх пошукаў, сустрэч, адкрыццяў. Яна пераменлівая, бо горад заўсёды рухлівы, цьмяны, тактыльны, ён пастаянна знікае з поля зроку, аддаляецца, пільнуе, зрастаецца з рухамі цела, паўтарае іх.

Для Саўлюса Журы важная маляўнічасць Вільнюса, яго самастойнасць. Таму фатограф адхіляецца, падымаецца на хмарачос, глядзіць у далёкую перспектыву і дазваляе гораду на сваіх фотаздымках проста быць. Быць максімальна бачным, самадастатковым, утульна мармытаць свае штодзённыя мантры. Гэта адлегласць павагі і захаплення.

Адкрыццё праекта «Віленскія гарызонты» адбудзецца 06 лютага а 18:00.


НЦСМ пр-т Незалежнасцi, 47.
Кошт квіткоў: 5 р. / 2 р. (агульны квіток на выставы, якія праходзяць у гэты час у НЦСМ пр-т Незалежнасцi, 47)
Час працы: серада-нядзеля з 12:00 да 20:00
Работа з арганізаванымі школьнымі групамі – з 11:00
Выхадныя: панядзелак, аўторак
Каса: +375 (17) 242-78-14
Інфармацыя, запіс на экскурсію: +375 (17) 235-03-32

     

Другія мерапрыемствы
17.07.2020 18.30 Някрасава, 3
Кіно Паказ і абмеркаванне фільма «Усходні калідор»

Не забаронены, не знішчаны і амаль не крануты пільнымі рэдактарамі, «Усходні калідор» тым не менш не трапіў у пракат і на дзесяцігоддзі выпаў з гісторыі беларускага кіно. Таму так каштоўная кожная магчымасць паглядзець і абмеркаваць гэтую стужку, што цяпер раптам стала хіба не галоўным узорам беларускага кінамадэрнізму, але бадай што так і не была належным чынам асэнсаваная.

18.07.2020 15.00 Незалежнасці, 47
Адукацыя Мастер-класс по акварели с художником Русланом Сергеевым

Вместе с художником Русланом Сергеевым мы будем учиться изображать акриловыми красками одну из стихий - огонь. Мастер-класс пройдёт в зале НЦСИ «Скарбонка», в постоянной экспозиции картин из музейной коллекции НЦСИ, написанных известными белорусскими живописцами, среди которых - народные художники и заслуженные деятели искусств.

18.07.2020 16.00 Незалежнасці, 47
Адукацыя Кураторская экскурсия по выставке авторской куклы «Задолле»

Для любителей и почитателей авторской куклы, для взрослых и детей это возможность получше рассмотреть эту красивую и сказочную выставку. Во время экскурсии вы узнаете о том, как А. Адамович придумывает свои куклы и воплощает задуманное, а ведь на создание одной русалки или домового из вымышленного мира Задолья уходит порой несколько месяцев кропотливой и напряжённой работы.