Выставы

Выстава «Колер Беларусі». Да 55-годдзя з дня нараджэння Міхала Анемпадыстава

  • 06.04.2019 - 16.04.2019
  • 11.00 - 19.00
  • г. Мінск, Незалежнасці, 47
  • Тэл. +375 17 281–74–79
  • Тэл. +375 17 242–78–14

5 красавіка 2019 г. а 18 гадзіне ў Нацыянальным цэнтры сучасных мастацтваў Рэспублікі Беларусь (пр-т Незалежнасці, 47) адбудзецца адкрыццё выставы «Колер Беларусi», прысвечанай 55-годдзю з дня нараджэння Міхала Анемпадыстава.

Урачыстае адкрыццё пройдзе з удзелам су-аўтара экспазіцыі – дызайнера Алены Дашкевіч, куратара выставы – арт-крытыка і журналісткі Любові Гаўрылюк.

Выстава прысвечана фундаментальнай рабоце дызайнера і паэта Міхала Анемпадыстава – кнізе «Колер Беларусі». У межах экспазіцыі будзе прадстаўлена візуальная частка даследавання – аб’екты-носьбіты традыцыйных колераў беларускай культуры.

«Ёсць некалькі прычын для бясконцага – без пафасу!! – звароту да фотаздымкаў і альбому Міхала Анемпадыстава «Колер Беларусi».

Па-першае, аўтар сам гэтага жадаў: ведаў, што тэма не даследавана, ведаў, што колер мае базавае, карэннае значэнне для светаразумення народа. Культурныя коды, закладзеныя адчуваннямі колеру, павінны, на яго думку, структураваць разуменне чалавекам сябе, свайго месца ў прасторы і сваіх задач у гэтай прасторы. Гэтае ж адносіцца да нацыі, якую Міхал разумеў не правінцыйна, але глыбока ўбудаванай у еўрапейскія каштоўнасці і глабальны кантэкст.

Па-другое, аўтар бачыў выключна прафесійнае значэнне асваення феномену «колер» для дызайнераў. Функцыянальныя задачы і задачы фарматворчасці для яго былі непарыўна звязаны з колерам, з яго паходжаннем і ідэнтыфікацыі ў маўленні – абсалютна канкрэтна, гэта значыць, са словам, часам і месцам, дзе ткалі паясы, фарбавалі дахі, адбельвалі лён. Колер сублімаваў звычаі, вопыт рамёстваў, побытавыя звычкі, што маюць непасрэднае дачыненне да прадметнага асяроддзя. І да сучаснага дызайну як сферы, укаранённай у нацыянальнай культурнай традыцыі.

Трэцяя акалічнасць. Кніга пабудавана такім чынам, што да кожнага яе раздзелу можна звяртацца асобна, неаднаразова і з зусім рознымі мэтамі. Краязнаўчымі і філасофскімі, гістарычнымі, мастацтвазнаўчымі і яшчэ многімі іншымі. Візуальны складнік сацыякультурнай прасторы пры гэтым зусім не сыходзіць на другі план, наадварот, менавіта фармат альбома робіць гэтую акалічнасць відавочнай.

У сілу ўжо гэтых прычын мы назвалі гэтую працу бясконцай – яе патэнцыял цяжка завяршыць межамі і азначэннямі, ён сапраўды – без пафасу – невычэрпны.

І яшчэ. Калі мы кажам «аўтар ведаў», «аўтар разумеў», гэта азначае, што мы абсалютна давяраем гэтаму веданню і разуменню. І гэта вельмі рэдкі выпадак безумоўнага даверу. Нічога падобнага не ўзгадаю».

Любоў Гаўрылюк,
куратар, арт-крытык, журналіст

Работа выставы плануецца з 6 па 16 красавіка 2019 года. Час працы: з 11.00 да 19.00 штодня, акрамя панядзелка.

Кошт білета: поўны – 5 руб., ільготны – 2 руб.

Даведкі па тэлефонам: +375 17 235-03-31, +375 17 243-24-68

   

Другія мерапрыемствы
13.06.2020 17.00 Незалежнасці, 47
13.06.2020 17.00 Незалежнасці, 47
Спецпраекты Fashion Show в рамках фестиваля «ТекСтильный букет»

В Национальном центре современных искусств (пр-т. Независимости, 47) состоится FASHION SHOW в рамках второго Международного открытого фестиваля декоративного творчества «ТекСтильный букет». В шоу-показах примет участие одна из лучших школ красоты и моделинга Минска «ROZARIUM» при Студии эстетического развития Ирины Садовской.

05.06.2020 13.06.2020 12.00 - 20.00 Някрасава, 3
05.06.2020 13.06.2020 12.00 - 20.00 Някрасава, 3
Спецпраекты Конкурсный проект «WE ARE ENVIRONMENT BELARUS 2020»

В этом году Национальный центр современных искусств принимает в своих стенах конкурсный проект «WE ARE ENVIRONMENT BELARUS 2020» (Окружающая среды - это мы), посвященный вопросам экологии. Первый конкурс состоялся в 2011 году на Кубе и с тех пор каждый год путешествует по миру. Автор проекта - Консесао Праун, фотограф из Бразилии.

01.06.2020 31.08.2020 9.00 - 18.00 Някрасава, 3
01.06.2020 31.08.2020 9.00 - 18.00 Някрасава, 3
Дзіцячыя мерапрыемствы Арт-лагерь «Леонардика» в НЦСИ

За неделю арт-интенсива каждый участник попробует себя во всех сферах искусства: получит роль в пьесе, напишет картину, поучаствует в хореографическом перформансе, а также подготовит свой музыкальный номер. Автор курса: Мисюль Марина Николаевна - специалист по социокультурной деятельности, дизайнер, партнёр ассоциации «Образование для будущего», предприниматель.