Нацыянальны цэнтр сучасных мастацтваў Рэспублікі Беларусь запрашае на адкрыццё выставы «Шостая лінія. Лінія лёсу», якое адбудзецца 3 лістапада а 17.00 па адрасе вул. Някрасава, 3.
У беларускім мастацтвазнаўстве нефармальныя арт-практыкі беларускіх мастакоў у 1980-1990-х гг. прыцягваюць усё большую ўвагу. Гэты перыяд называюць «беларускім авангардам», падкрэсліваючы сувязь яркіх, неардынарных, часта дыяметральна процілеглых па стылістыцы кірункаў з авангардам пачатку ХХ стагоддзя.
Галерэя «Шостая лінія» – адна з першых у Беларусі галерэй сучаснага мастацтва новага фармату, якая ажыццяўляла сваю дзейнасць у Мінску з 1992 па 1998 г. «Шостая лінія» з'яўлялася найбуйнейшай пляцоўкай эксперыментальнага мастацтва, знаёмячы беларускага гледача з новымі формамі сучасных мастацкіх практык.
На выставе «Шостая лінія. Лінія лёсу» творы з прыватнай калекцыі, заснавальнікам якой стаў Уладзімір Садко, прадстаўляюць творчасць найбольш яркіх мастакоў, якія экспанаваліся ў галерэі.
Уладзімір Акулаў, Канстанцін Гарэцкі, Людміла Русава, Аляксей Жданаў, Артур Клінаў, Валерый Песін, Уладзімір Зленка, Алесь Тарановіч, Цімафей Ізотаў, Віктар Пятроў, Ігар Ермакоў, Антон Шапо, Павел Шапо – усіх іх у 1990-я гг. аб'ядноўвала прастора галерэі «Шостая лінія», у якой стваралася актуальнае мастацтва, фармавалася пляцоўка для смелых творчых выказванняў.
Кожны з прадстаўленых мастакоў пакінуў свой след у культурнай прасторы Беларусі, аднак лёс іх склаўся па-рознаму: хтосьці працягвае сваё творчае развіццё ў рэчышчы сучаснага беларускага мастацтва, хтосьці пакінуў краіну ў канцы 1990-х гг. і знайшоў сябе ў іншых сферах. Некаторыя з мастакоў ужо скончылі свой зямны шлях. Тым больш каштоўная і значная для даследчыкаў і гледачоў творчая спадчына, пакінутая імі.
Экспазіцыя выставы адрозніваецца разнастайнасцю стылістыкі, тэматыкі і знаходак пластычнай мовы. Кола пытанняў, якія хвалявалі аўтараў у 1990-я гг., застаецца актуальным і для сучаснай арт-практыкі.
Куратар выставы – мастацтвазнаўца Алеся Іназемцава.
Выстава працягнецца да 5 снежня 2021 года.
Прадстаўнікоў прэсы запрашаем 3 лістапада а 16-й гадзіне
НЦСМ, вул. Някрасава, 3
серада-нядзеля: 12.00-20.00
Кошт квітка: 6 р. / 3 р. (поўны / ільготны – агульны квіток на ўсе выставы, якія праходзяць у гэты час у НЦСМ на вул. Някрасава, 3)
Інфармацыя: +375 17 399-09-78, +375 17 235-03-32
Приглашаем детей от 8 до 11 лет в увлекательный мир искусства. Если ваш ребенок любит творить! Если ему интересно, чем печатная графика отличается от оригинальной, если он хочет узнать о современном искусстве и известных художниках, то ждем вас в гости!
Это курс лекций и творческих занятий, непринужденной беседы и расширения своих познаний об искусстве. Коммуникация с кураторами, художниками, знакомство с их творчеством, приобретение навыка «видеть» картину и раскрывать замысел автора, а также многое другое.
