Выставы

Выставачны праект “Дэканструкцыя”

  • 09.02.2022 - 03.04.2022
  • 12:00 - 20:00
  • г. Мінск, Някрасава, 3
  • Тэл. +375 17 235–03–32
  • Тэл. +375 17 399–09–78

З 9 лютага па 3 красавіка 2022 года ў Нацыянальным цэнтры сучасных мастацтваў можна ўбачыць праект Таццяны Савік “Дэканструкцыя”, рэалізаваны ў межах праграмы НЦСМ па падтрымцы маладых мастакоў “WhiteRoom”. Адкрыццё адбудзецца 9 лютага а 18:00.

У сваім праекце Таццяна Савік даследуе магчымасці метаду дэканструкцыі. Стратэгія мастачкі заключаецца ў механічным падзеле аб’ектаў і жывапісных партрэтаў на фрагменты з мэтай разбурэння агульнапрынятых наратываў і стэрэатыпаў успрымання. Некаторыя з работ інтэрактыўныя – гледачам прапаноўваецца ўзяць удзел у постмадэрнісцкай гульне ў бясконцае стварэнне новых форм і сэнсаў і самастойна дэканструяваць і рэканструяваць творы, якія ўяўляюць сабой адкрытыя сістэмы з бясконцай колькасцю варыяцый – “цвікі, што змацоўваюць, могуць быць і голкамі, што колюць”.

“Выдзіранне” палатна з рамы, выкарыстанне фрагментарнай тэхнікі вітража, кубік Рубіка як ідэальная форма дэканструкцыі – наўмыснае парушэнне цэласнасці выяў стварае стан хаосу або крызісу, які з’яўляецца перспектыўным асяроддзем, дзе фрагменты здольныя ўзнаўляцца з новымі сувязямі і сэнсамі.

Ствараючы персанажаў з фрагментаў, нібыта новага Франкенштэйна, мастачка падымае праблему крызісу ідэнтычнасці сучаснага чалавека і даследуе магчымасці аднаўлення цэласнасці асобы, пераадолення траўмы праз дэканструкцыю як стратэгію суцэльнага абнаўлення і глыбіннага аналізу.

Мастачка эксперыментуе з пластыкай і матэрыяламі, з формай і падачай. Пры гэтым працэс дэканструкцыі бесперапынны і ніколі не можа быць завершаны.

Таццяна Савік нарадзілася ў 1989 годзе ў Барысаве. Вучылася ў Мінскім дзяржаўным мастацкім каледжы імя А. К. Глебава і Беларускай дзяржаўнай акадэміі мастацтваў. З 2020 года працуе выкладчыкам малюнка ў МДМК імя А. К. Глебава. Брала ўдзел у такіх выставах, як “Восеньскі салон”, “Арт-Мінск”, Трыенале маладых мастакоў, "Дах-IX", "ДАХ-XI" і інш.

НЦСМ, вул. Някрасава, 3

серада-нядзеля: 12:00-20:00

Кошт квітка: 6 р. / 3 р. (поўны / ільготны – агульны квіток на ўсе выставы, якія праходзяць у гэты час у НЦСМ на вул. Някрасава, 3)

Інфармацыя: +375 17 399-09-78, +375 17 235-03-32

Другія мерапрыемствы
Спецпраекты РЭСПУБЛІКАНСКІ КОНКУРС ”ТРЫЕНАЛЕ МАЛАДЫХ МАСТАКОЎ“ У 2022 ГОДЗЕ

З 20 мая па 15 лістапада 2022 г. Міністэрства культуры праводзіць на базе дзяржаўнай установы культуры змешанага тыпу “Нацыянальны цэнтр сучасных мастацтваў Рэспублікі Беларусь” Рэспубліканскі конкурс “Трыенале маладых мастакоў” у 2022 годзе.

Іншае Виртуальный проект «Адзіная спадчына»

​С 1 января 2022 года Национальный центр современных искусств запускает виртуальный проект «Адзіная спадчына», приуроченный ко Дню народного единства.

Школам Мастер-классы в НЦСИ от художника Руслана Сергеева

Приглашаем наших юных посетителей на мастер-классы от художника Руслана Сергеева!