23.10.2020
Відэарэпартаж тэлеканала Беларусь 3 пра выставу, прысвечаную 5-годдзю Нацыянальнага цэнтра сучасных мастацтваў Рэспублікі Беларусь:
17.10.2020
Артыкул штотыднёвай грамадска-асветнiцкай газеты «Культура» пра выставу, прысвечаную 5-годдзю НЦСМ:
http://kimpress.by/index.phtml?page=2&id=17537
05.10.2020
Наведвальнікі Нацыянальнага цэнтра сучасных мастацтваў віншуюць яго з 5-годдзем.
Усе гэтыя гады мы працуем для Вас.
Дзякуй за давер!
Ваш НЦСМ.
|
|
|
|
|
|
|
04.10.2020
Видеорепортаж телеканала ОНТ про выставку, посвящённую 5-летию Национального центра современных искусств Республики Беларусь:
03.10.2020
Відэарэпартаж тэлеканала Беларусь 1 пра выставу, прысвечаную 5-годдзю Нацыянальнага цэнтра сучасных мастацтваў Рэспублікі Беларусь:
02.10.2020
1 кастрычніка адбылося адкрыццё выставачнага праекта, прысвечанага 5-годдзю Нацыянальнага цэнтра сучасных мастацтваў.
У гэты вечар госці прыйшлі, каб павіншаваць НЦСМ з юбілейнай датай. З прывітальным словам выступілі: дырэктар Нацыянальнага цэнтра сучасных мастацтваў Сяргей Яўгенавіч Крыштаповіч, намеснік дырэктара па творчай дзейнасці Алеся Аляксандраўна Іназемцава, старшыня Беларускага саюза мастакоў Глеб Анатольевіч Отчык.
У адкрыцці праекта ўдзельнічалі нашы даўнія партнёры, «Школа сучаснага вакальнага мастацтва Веранікі Яноўскай». Спявачка, мастацкі кіраўнік і заснавальніца школы Вераніка Яноўская выступіла з джазавымі кампазіцыямі, якія зрабілі наша мерапрыемства па-сапраўднаму цёплым.
Каманда Нацыянальнага цэнтра сучасных мастацтваў дзякуе ўсім, хто ствараў цэнтр на працягу гэтых гадоў, удзельнічаў у праектах і дапамагаў у рэалізацыі нашых задумак. Мы ўпэўненыя, што далей будзе толькі лепш.
Дзякуй кожнаму!
Сучаснае мастацтва ствараецца тут.
Ваш НЦСМ.
Фота: Дзянiс Хворастаў
|
|
|
|
|
|
|
|
|
|
|
|
|
|
|
|
|
|
|
Больш фота - на старонцы НЦСМ у Facebook: https://web.facebook.com/ncsmby/posts/167028204647...
01.10.2020
1 кастрычніка 2020 года а 17:00 ў Нацыянальным цэнтры сучасных мастацтваў Рэспублікі Беларусь адбудзецца афіцыйнае адкрыццё выставы, прысвечанай 5-годдзю Цэнтра.
Нацыянальны цэнтр сучасных мастацтваў Рэспублікі Беларусь быў заснаваны 1 кастрычніка 2015 года шляхам зліцця Цэнтра сучасных мастацтваў і Музея сучаснага выяўленчага мастацтва.
Новы выставачны праект Нацыянальнага цэнтра сучасных мастацтваў Рэспублікі Беларусь - гэта своеасаблівая рэтраспектыва дзейнасці цэнтра: гледачы ўбачаць фатаграфіі былых экспазіцый, перададзеныя мастакамі ў нашыя фонды творы, плакаты, каталогі, тэксты. Гэта канцэнтрацыя мастацкіх выказванняў, ідэй і сэнсаў, якія яны транслявалі ў залах НЦСМ. Гэта гісторыя ўзаемадзеяння гледача і мастацтва. Гісторыя Нацыянальнага цэнтра сучасных мастацтваў.
Таксама ў экспазіцыі юбілейнай выставы рэпрэзентаваны буйныя міжнародныя праекты НЦСМ, рэалізаваныя пры падтрымцы пасольстваў Аўстрыі, Германіі, Латвіі, Літвы, Гішпаніі, Польшчы, Фінляндыі, Францыі, Чэхіі, Швецыі і Японіі.
Гісторыя Нацыянальнага цэнтра сучасных мастацтваў Рэспублікі Беларусь налічвае значна больш гадоў. У свой час тут існавалі Творчыя акадэмічныя майстэрні жывапісу, графікі і скульптуры на вул. Някрасава, 3 пад кіраўніцтвам легендарнага мастака Міхаіла Савіцкага. У экспазіцыі, у тым ліку, прадстаўлены малавядомыя карціны Міхаіла Савіцкага і фотаздымкі з часоў Творчых майстэрняў.
Сёння Нацыянальны цэнтр сучасных мастацтваў Рэспублікі Беларусь - буйнейшая дзяржаўная ўстанова культуры, якая вядзе актыўную работу па вывучэнню, экспанаванню і папулярызацыі сучаснага беларускага мастацтва.
Нацыянальны цэнтр сучасных мастацтваў выказвае падзяку мастакам, якія супрацоўнічалі з намі на працягу першых 5 гадоў. Мы ўдзячныя гледачам, якія робяць Нацыянальны цэнтр сучасных мастацтваў вельмі эмацыянальным. Нарэшце, НЦСМ выказвае падзяку ўсім сваім партнёрам, якія давяраюць нам і па-сапраўднаму шануюць мастацтва.
Прадстаўнікоў прэсы запрашаем у 16: 00.
Выставачны праект можна ўбачыць у Нацыянальным цэнтры сучасных мастацтваў Рэспублікі Беларусь на вул. Някрасава, 3 да 15 лістапада.
Кошт квіткоў: 5 р. / 2 р. (агульны квіток на выставы, якія праходзяць у гэты час у НЦСМ на вул. Някрасава, 3)
Час працы выставы: серада-нядзеля з 12:00 да 20:00
Выхадныя: панядзелак, аўторак
Інфармацыя, запіс на экскурсіі:
+375 (17) 235-03-32, +375 (17) 399-09-79
