(Бес)праблемнае кіно

Нацыянальны цэнтр сучасных мастацтваў і кінакааператыў "Кінаклуб.оrg" запрашаюць 6 лютага а 17:00 на паказ кароткаметражных фільмаў “(Бес)праблемнае кіно”.

Тры рэжысёры Роберт Сенэка, Ганна Баранец і Аляксандр Мартынюк зрабілі спробу звярнуцца да праблемаў сучаснага грамадства, распавёўшы пра іх на мове кінематографа.

На паказе будуць прысутнічаць рэжысёры кінастужак, якія распавядуць гісторыі стварэння кароткаметражак, пакажуць back-stage здымкі і пагутараць з гасцямі пра кіно і праблемы, якія закранаюцца ў фільмах.

Паказ праекта “(Бес)праблемнае кіно” – гэта працяг дзейнасці "Кінаклуб.оrg", які ў снежні мінулага года сабраў у сценах НЦСМ на Някрасава, 3 кінааматараў на workshop па стварэнню кароткаметражак, а 6 лютага можна будзе паглядзець на гатовыя працы кінааматараў.

НЦСМ, вул. Някрасава, 3

6 лютага а 17:00

Кошт 30 000

Тэл. для даведак 2808290

NCSM.BY