Выставы

Фантастычнае ў сучасным беларускім мастацтве (з музейнай калекцыі НЦСМ)

  • 20.07.2018 - 28.10.2018
  • 11.00 - 19.00
  • г. Мінск, Незалежнасці, 47
  • Тэл. +375 17 399 09 79

20 ліпеня ў Нацыянальным  цэнтры сучасных мастацтваў Рэспублікі Беларусь (Музей сучаснага мастацтва – пр-т Незалежнасці, 47) пачне сваю працу новая выстава з музейнай калекцыі НЦСМ “Фантастычнае ў сучасным беларускім мастацтве”.

Свет нашых фантазій робіць наша жыццё прыгожым, падарожжы ў летуценнях і снах ратуюць нас ад шэрасці побыту. Толькі людзі мастацтва здольныя візуальна перадаць гэты Сусвет, вобразы якога пранікаюць ў нашу падсвядомасць і нараджаюць анёлаў ці бесаў. Творы сімвалістаў і сюрэалістаў афарбаваныя незямнымі колерамі і ўдала адрозніваюцца ад тэхналагічных штамповак штодзённасці. Адлюстраванні Ідэі і Душы ў формах, якія ўласцівыя дахрысціянскай свядомасці, і значная колькасць маналогаў нашага часу прысутнічаюць ў работах беларускіх мастакоў – і першае, і другое надало сэнс з`яўленню адпаведнай выстаўкі з фондаў Музея сучаснага мастацтва.

Творчасць Заслужанага дзеяча мастацтваў Рэспублікі Беларусь, прафесара Валерыя Славука знаёма шырокаму колу аматараў “фэнтэзі” як у Беларусі, гэтак і за яе межамі. Нябачнае насельніцтва нашых лясоў, азёр і багнішчаў; хат і свірнаў – лясуноў, русалак і дамавікоў і іншых жыхароў паралельнага свету стала тэмай бясконцых графічных серый аўтара. Музей ганарыцца вялікім зборам афортаў Сяргея Балянка, распрацоўшчыка тэмы істот і прастор старых гарадоў, у якой будынкі Львова і Мінска – і галоўныя персанажы, і фон жыцця самотнага чалавека.

Георгій Скрыпнічэнка і Алесь Родзін, Сяржук Цімохаў і Рыгор Іваноў і шэраг іншых яркіх індывідуальнасцяў айчыннага мастацкага асяроддзя афарбавалі свае мроі ў цудоўных палотнах, гонару сучаснага выяўленчага мастацтва.

Графіка сусветна вядомага Юрыя Якавенкі, Уладзіміра Гладкевіча, Марты Шматавай – лунанне думкаформаў сярод сімволікі антычнай цывілізацыі і адушаўлёных вясковых хат. Вобразы, якія закладзены ў свядомасць знаходжаннем паміж Захадам і Усходам, уласцівыя і іншым мастакам, прадстаўленым у экспазіцыі.

Ірэальнае і фантастычнае зрушваюць умоўнасці свету за грань звычайнага разумення, але, як гэта не парадаксальна, у фантыстычным жывапісе бачым рэалістычныя вобразы – гэты жанр не мае дачыння да супрэматызма, абстрактнага экспрэсіянізма і інш. Асаблівасць інтэрпрэтацыі гэтай тэмы на Беларусі мае відавочны ўплыў дахрысціянскай міфалогіі, этнаграфіі і выяўленчых элементаў гісторыка-культурнай спадчыны – такім чынам, фантастычнае ў візуальным мастацтве краіны – прадстаўнічы брэнд – тое, што нас вылучае і, адначасова, аб`ядноўвае з іншымі народамі планеты.


Выстава працягнецца па 28 кастрычніка 2018 года.

аддзел фондаў НЦСМ +375 17 243 24 68

аддзел выставачных залаў НЦСМ +375 17 280 56 08

Другія мерапрыемствы
18.10.2018 19.00 Някрасава, 3
18.10.2018 19.00 Някрасава, 3
Адукацыя Лекция Татьяны Терешкович «Испанский след в истории моды»

Приглашаем 18 октября в 19.00 на лекцию от историка и эксперта моды Татьяны Терешкович «Испанский след в истории моды». Перед лекцией у Вас будет возможность посетить выставочный проект «NEFT_Ь & The Root», дабы вдохновиться такой разнообразной, но неизменно стильной и страстной Испанией.

20.10.2018 11:00 Някрасава, 3
20.10.2018 11:00 Някрасава, 3
20.10.2018 11:00 Някрасава, 3
Дзіцячыя мерапрыемствы Кукольный спектакль театра куклы и актера «Карабас» «Аленький цветочек».

​Национальный центр современных искусств Республики Беларусь и театр куклы и актера «Карабас» приглашают 20 октября в 11.00 на кукольный спектакль «Аленький цветочек». «Аленький цветочек» - это вечная история о добре и зле, преданности и бескорыстной любви, поставленная по одноименной сказке Сергея Аксакова.

24.10.2018 19:00-21:00 Някрасава, 3
Кіно Документальный фильм Маши Новиковой “Олег Климов. Письма себе” (2014)

Смотрим и обсуждаем документальный фильм "Олег Климов. Письма себе" в рамках работы дискуссионного клуба и образовательной программы BLOWUP НЦСИ РБ (Минск, ул. Некрасова, 3) 24 октября 2018 г. Фильм рассказывает об известном российском фотографе, который на протяжении двенадцати лет фиксировал на плёнку события и конфликты, сопровождавшие развал СССР.