Віртуальная выстава «Сэрца назіральніка за птушкамі»

Віртуальная выстава «Сэрца назіральніка за птушкамі»

Інспірацыяй для выставы стала кніга «Мроі пра паветра. Вопыт пра ўяўленне руху» французскага філосафа і мастацтвазнаўцы Гастона Башляра.

Мара пра чалавечы палёт настолькі простая і недвухсэнсоўная, што часта ўспрымаецца на мяжы банальнасці. Аднак у гэтай выставе, як і ў кнізе Гастона Башляра, гаворка ідзе пра больш агульнае і ўніверсальнае - пра нязменную ментальную накіраванасць чалавека ўверх («чалавек, паколькі ён чалавек, не можа жыць гарызантальна»), выключна пазітыўную трактоўку ўзвышэння чалавека: ад простага «вышэй нос» да ўяўленняў пра паветраную лёгкасць душы. Узяўшы за аснову сімвалізм палёту, выстава паказвае нязменнае імкненне чалавека да ўзнёслага, яго адчайнае жаданне пераадолець штодзённасць, сцвярджае каштоўнасць летуценнасці і фантазіі і ў той жа час нагадвае пра крохкасць чалавечага.

Асобнай лініяй праходзіць на выставе тэма палёту Ікара. Ва ўмовах сучаснасці гэты міф прадстаўляе выключна шырокую прастору для інтэрпрэтацый: ад боязі тэхналогій, якія могуць, як крылы Ікара, выйсці з-пад кантролю, да прагі ўсё больш пашыраць магчымасці чалавечага цела. З іншага боку, міф пра Ікара - гэта балючая для сучаснага «грамадства поспеху» гісторыя пра тое, чаго дасягнуць ніколі не атрымаецца.

Большасць твораў на выставе - са збору Нацыянальнага цэнтра сучасных мастацтваў.

Назву выставе даў афорт мастачкі Марыны Тэраўдс (Латвія/ЗША) з калекцыі НЦСМ, які таксама прадстаўлены ў віртуальнай экспазіцыі.

Маша Мароз (Беларусь) Без назвы. 2015		Папера, гуаш, фотаздымак сукенкі з праекта “DRYHVA”; калаж, графіка, фота. 35,7x56 см.

Рыгор Несцераў (Беларусь) Бязважкасць. 2015 Палатно, алей		Маша Мароз (Беларусь) Душа. 2013 Папера, калька, гуаш, аловак, водны маркер; калаж, графіка. 23,2x21 cм.

Ганна Ціханава-Ёрданава (Беларусь/Балгарыя) Канатаходцы. 2004		Папера, разцовая гравюра. 84х50 см; 84х50 см. З калекцыі НЦСМ

Хасіп Пекташ (Турцыя) Exlibris HIKMET SIMSEK. 1997 Папера, лінагравюра. 16,9х13,5 см; 10х7,6 см. З калекцыі НЦСМ		Юрый Тарэеў (Беларусь) Птушкі і людзі. 2015 Папера, фламастэр

Канстанцін Селіханаў (Беларусь) Атланты. 2007 Бронза, дрэва; ліццё, зварка. 35,3х25х10 см. З калекцыі НЦСМ		Анатоль Кузняцоў (Беларусь) Дзённік стомленага вандроўніка. Дыптых. 2008 Палатно, алей. 200х300 см. З калекцыі НЦСМ

Павел Вайніцкі (Беларусь) Аўтапартрэт з птушкай. 1997-2002 Дрот стальны; гальванапластыка, зварка, згібанне, зборка ручная, зачыстка. 68х46х48 см. З калекцыі НЦСМ		Генадзь Буралкін (Беларусь) Скачок. 2001 Бронза, граніт; ліццё, ручная апрацоўка. 60х18х10 см.

Юрый Тарэеў (Беларусь) Дыфузія. 2020 Друк з негатыва 1984 года Фатаграфія, бромсрэбраны друк		Юрый Тарэеў (Беларусь) Дыфузія. 2020 Друк з негатыва 1984 года Фатаграфія, бромсрэбраны друк		Юрый Тарэеў (Беларусь) Вецер. 2017 Папера, туш

Ёхен Кублік (Германія) Ikarus. EXL. N. H. Opus 16. 2009 Папера для глыбокага друку; афорт каляровы, акватынта, мецца-тынта. 28,5х19,7 см; 20х11 см. З калекцыі НЦСМ		Масіма Джоці (Італія) Ікар. 1983 Папера, змяшаная тэхніка. 48х32 см. З калекцыі НЦСМ

Сяргей Балянок (Беларусь) Зрэдку ўдавалася выйсці з сябе. 2005 Папера; друк, афорт. 24,5х29,4 см. З калекцыі НЦСМ		Марына Тэраўдс (Латвія/ЗША) Сэрца назіральніка за птушкамі. 2011 Папера для глыбокага друку, афорт. 16,5х16,5 см.; 11,6х11,7 см. З калекцыі НЦСМ

Уладзімір Правідохін (Беларусь) "Неба і зямля не валодаюць чалавекалюбствам...". 2000 Папера, лінагравюра. 29,8х24 см. З калекцыі НЦСМ		Алена Гіль (Беларусь) 61 | ЛЮДЗІ | ПТУШКІ. Шпак у чырвоным паліто на павароце кагосьці чакаў. Магчыма, Вясну Кніга "Звяры і Птушкі нашай краіны", 2018-2019

Мацвей Басаў (Беларусь) Да святла. 1999 Папера, аловак вугальны. 56х76 см.		Юрый Тарэеў (Беларусь) Мара. 2017 Папера; гуаш, туш

Выстава «Сэрца назіральніка за птушкамі» была прадстаўлена ў Нацыянальным цэнтры сучасных мастацтваў з 13 лютага па 8 сакавіка 2020 года.

Фота экспазіцыі: Дзяніс Хворастаў