Выставы

Выстава, прысвечаная 5-годдзю НЦСМ

  • 01.10.2020 - 15.11.2020
  • 12.00 - 20.00
  • г. Мінск, Някрасава, 3
  • Тэл. +375 17 281–74–79
  • Тэл. +375 17 242–78–14

Выстава, прысвечаная 5-годдзю НЦСМ | Cтужка падзей

1 кастрычніка 2020 года а 17:00 ў Нацыянальным цэнтры сучасных мастацтваў Рэспублікі Беларусь адбудзецца афіцыйнае адкрыццё выставы, прысвечанай 5-годдзю Цэнтра.

Нацыянальны цэнтр сучасных мастацтваў Рэспублікі Беларусь быў заснаваны 1 кастрычніка 2015 года шляхам зліцця Цэнтра сучасных мастацтваў і Музея сучаснага выяўленчага мастацтва.

Новы выставачны праект Нацыянальнага цэнтра сучасных мастацтваў Рэспублікі Беларусь - гэта своеасаблівая рэтраспектыва дзейнасці цэнтра: гледачы ўбачаць фатаграфіі былых экспазіцый, перададзеныя мастакамі ў нашыя фонды творы, плакаты, каталогі, тэксты. Гэта канцэнтрацыя мастацкіх выказванняў, ідэй і сэнсаў, якія яны транслявалі ў залах НЦСМ. Гэта гісторыя ўзаемадзеяння гледача і мастацтва. Гісторыя Нацыянальнага цэнтра сучасных мастацтваў.

Таксама ў экспазіцыі юбілейнай выставы рэпрэзентаваны буйныя міжнародныя праекты НЦСМ, рэалізаваныя пры падтрымцы пасольстваў Аўстрыі, Германіі, Латвіі, Літвы, Гішпаніі, Польшчы, Фінляндыі, Францыі, Чэхіі, Швецыі і Японіі.

Гісторыя Нацыянальнага цэнтра сучасных мастацтваў Рэспублікі Беларусь налічвае значна больш гадоў. У свой час тут існавалі Творчыя акадэмічныя майстэрні жывапісу, графікі і скульптуры на вул. Някрасава, 3 пад кіраўніцтвам легендарнага мастака Міхаіла Савіцкага. У экспазіцыі, у тым ліку, прадстаўлены малавядомыя карціны Міхаіла Савіцкага і фотаздымкі з часоў Творчых майстэрняў.

Сёння Нацыянальны цэнтр сучасных мастацтваў Рэспублікі Беларусь - буйнейшая дзяржаўная ўстанова культуры, якая вядзе актыўную работу па вывучэнню, экспанаванню і папулярызацыі сучаснага беларускага мастацтва.

Нацыянальны цэнтр сучасных мастацтваў выказвае падзяку мастакам, якія супрацоўнічалі з намі на працягу першых 5 гадоў. Мы ўдзячныя гледачам, якія робяць Нацыянальны цэнтр сучасных мастацтваў вельмі эмацыянальным. Нарэшце, НЦСМ выказвае падзяку ўсім сваім партнёрам, якія давяраюць нам і па-сапраўднаму шануюць мастацтва.

Прадстаўнікоў прэсы запрашаем у 16: 00.

Выставачны праект можна ўбачыць у Нацыянальным цэнтры сучасных мастацтваў Рэспублікі Беларусь на вул. Някрасава, 3 да 15 лістапада.

Кошт квіткоў: 5 р. / 2 р. (агульны квіток на выставы, якія праходзяць у гэты час у НЦСМ на вул. Някрасава, 3)
Час працы выставы: серада-нядзеля з 12:00 да 20:00
Выхадныя: панядзелак, аўторак
Інфармацыя, запіс на экскурсіі:
+375 (17) 235-03-32, +375 (17) 399-09-79

     

Другія мерапрыемствы
04.12.2020 16.00 Незалежнасці, 47
Адукацыя Куратарская экскурсія па выставе «Рукапісы гараць»

Што з сябе ўяўляе праект цэнтра «Сям'я»? Як выглядала студэнцкая «арт-сям'я» 1970-х? Чаму мастацтва Алены Шыдлоўскай стала сімвалам таго часу? На гэтыя і іншыя пытанні адкажуць куратарка выставы Вольга Вішнева і дачка Алены Шыдлоўскай, мастачка Агнія Кашкурэвіч.

04.12.2020 18.30 Някрасава, 3
Адукацыя Экскурсія з куратаркай і аўтарамі праекта «Ураўненне стану»

На другой экскурсіі ў межах праекта «Ураўненне стану. Дзіна Даніловіч, Марыя Карнеенка, Андрэй Кузьмянок, Ігар Ганчарук, Ігар Саўчанка, Кацярына Малама распавядуць пра ідэю стварэння праекта, сваіх творах і новай рэальнасці.

05.12.2020 12.00 Някрасава, 3
Адукацыя Куратарская экскурсія па выставе «Трыццаць тры творы»

На працягу пяці гадоў, з кастрычніка 2015 года па наш час, НЦСМ набыты шэраг твораў, сярод якіх жывапіс, станковая графіка, скульптура і дэкаратыўна-прыкладное мастацтва. І гэта не толькі класіка, вы ўбачыце абсалютна розны абстрактны экспрэсіянізм, эксперыментальную скульптуру.